کرونا وائرس نے اب تک 9 ہزار سے زائد انسانوں کی جان لے لی، پاکستان میں 2 جبکہ روس میں پہلی ہلاکت

اسلام آباد: کرونا وائرس نے دنیا بھر سے 9 ہزارسے زائد افراد کو موت کے گھاٹ اتار دیا۔ دولاکھ پچیس ہزار 237 افراد متاثر ہوئے۔

سب سے زیادہ اموات ایران میں ہوئیں جہاں ایک سو انچاس افرادوائرس کی وجہ سے زندگی کی بازی ہار گئے جبکہ روس میں مہلک بیماری سے ایک شخص زندگی کی بازی ہار گیا۔

تفصیلات کے مطابق جان لیوا کرونا نے 176ممالک میں تباہی مچادی۔ ایران میں مزید 149 اموات کی تصدیق ہو گئی۔ وائرس سے مرنے والوں کی تعداد 1ہزار284 ہوگئی، 18ہزار407افرادمتاثرہوئے۔

یورپ میں 4 ہزار 134 جبکہ ایشیا میں وائرس سے 3 ہزار 416 افراد چل بسے ،یورپ میں 24 گھنٹوں کے دوران 712 ہلاکتیں رپورٹ ہوئیں، اب تک 90 ہزار 293 افراد کرونا سے متاثرہوچکے ہیں۔

سپین میں کرونا وائرس سے 24 گھنٹوں کے دوران 129 ہلاکتیں ہوئیں، رپورٹ ہونے کے بعد مرنے والوں کی کل تعداد767 ہوگئی۔ وائرس سے مزید 2 ہزار 378 افراد متاثر ہوئے، کل تعداد 17 ہزار 147 ہوگئی۔

گزشتہ 24 گھنٹوں کے دوران چین میں 8، جنوبی کوریا اور بلجیم میں 7، انڈونیشیا میں 6 اورامریکا میں 5 ہلاکتیں ہوئیں۔ جرمنی،جاپان اور سوئٹزرلینڈ میں 3،3، الجیریا،بلغاریہ، ارجنٹینا، کروشیا، میکسیکو، روس اور یونان میں 1،1 اموات ہوئیں۔

Please follow and like us:

Leave a Reply

Your email address will not be published. Required fields are marked *

error

Share with the world

RSS
Follow by Email
LinkedIn
Share